遊日本上網數據SIM咭小測試
今次第一次正正式式寫我的專頁,希望大家會喜歡,有咩意見或者討論,大家不妨一齊傾下。 我相信有很多朋友到日本旅行的時候,都會手機不離手。唔知大家會用咩方法去上網呢?我相信都不外乎用以下幾種方式…
  1. 租用WIFI蛋
  2. 用數據漫游
  3. 買日本的上網數據咭(Prepaid SIM)
  4. 用日本當地酒店或者餐廳的WIFI 或者給遊客用的WIFI
今次我就想為大家試下比較遊日的上網的數據咭。 好多人都知道日本提供數據上網的供應商有好多間,亦都有好多唔同的組合可以選擇。而坊間亦都多以標明為使用DOCOMO的網絡作賣點,但係大家都係賣DOCOMO的咭,但係點解有啲賣到咁平,有啲又會賣到咁貴的呢? 我地係香港或者係淘寶買到的上網咭其實全部都係MVNO服務供應商出售的上網咭。理論上它們都是用DOCOMO的網絡,但差異是在每一間MVNO供應商都會選用不同的MVNE供應商,以及它們從MVNE所購買的流量,而DOCOMO的角色就是一個提供無線訊號的業者。 說了很多不同的英文TERMS,你會奇怪不都是DOCOMO嗎?呢個係比較一個覆雜的關係,DOCOMO只是負責整個無線電話網絡的基建,包括發射站台,從發射站台到交換機樓的連線等。 如果你幫襯的是MVNO(例如我文中會提到的EZNIPPON咭,FREETEL PREPAID SIM等)的上網供應商,上網的效果就會取決於它們背後的MVNE。每一間MVNE只負責連接上INTERNET的連線,每一間都會有它們出INTERNET的線路,如果MVNE有好的條線路連上INTERNET,那你上網感受就會更佳吧。 因為MVNE是不會直接賣上網咭給你的,它們只會負責管理連上互聯網的設備,計算流量,然後向MVNO收費等工作。所以MVNE在頻寬上扮演了一個好重要的角色。一間MVNE亦都會將頻寬賣給多家MVNO服務者,所以一間多人用的MVNO如果購買的頻寬足夠是不會導致上網塞車。 講到呢到,你就會諗到,一張賣RMB70的淘寶上網咭會點樣拆出來賣給用家吧?因為它們賣得多,但它們從MVNE上購買的頻寬未必能負荷全部人同一時間上網,所以自然地每個用家所分享到的頻寬就會少很多。呢個情況特別是從內地購到的淘寶上網咭最為嚴重,好多時都會聽到話用呢啲咭就好似龜速上網。 今年3月我去東京的旅程上帶了3張不同的SIM CARD,測試會依次如下:
  1. 賣RMB58,係淘寶回來的PREPAID SIM CARD (購買的LINK係呢度 ),APN是mvno.net 優點:一個字平 缺點: 你睇埋落去就知
  2. 賣¥ 1,780,係日本AMAZON買的FREETEL PREPAID SIM FOR JAPAN (購買 的LINK係呢度 ),APN是freetel.link 優點:上SNS(例如: FACEBOOK, WHATSAPP, LINE 等等…不計流量) 缺點: 貴咗少少
  3. 一張都是出自FREETEL的月費SIM CARD,APN也是freetel.link
  如何進行測試呢? 我帶了三部APPLE的iPhone,而3部機都預先下載了SpeedTest的工具,並放入了以上的SIM CARD。為免引起不公平,我會在同一地點進行測試,會順著之前說的SIM CARD次序準行測試,以免3部電話同一時間DOWNLOAD令到結果不佳。 測試之後得出以後結果:
2016-05-08 22_48_21-游日上網數據咭小測試 - Excel
測試結果
係絶大部份時間都可以見到從淘寶入手的PREPAID SIM,PING的時間往往都超30ms以上的。PING的反應時間往往就是令到手機使用者覺得上網回應慢的最主要因素。而從淘寶入手的SIM CARD大部份下載都只是在10Mbps以下,除了在深宵時間以外。 所以大家在選擇日本的PREPAID SIM時,不要只以價錢為第一參考,也不要認為它們都是同一樣的表現。
後記:係剛過去的四月,到了一次九州,今次沒有買不同的咭作測試,只是買了一張橋本環奈台的U-MOBILE 15日SIM來使用,加上我一路用開的FREETEL咭比較。 張咭都係白白淨咁,無再印DOCOMO了。 由於旅程的關係,我未能全程不停測試,只是試了一次,下次我有機會會再試多幾次吧。
2016-05-12 21_44_54-游日上網數據咭小測試 - Excel
測試結果
  有任何提意或者問題,歡迎send message給我,我會試著去解答。

Leave a Reply

Your email address will not be published. Required fields are marked *